Дүкен басқару

• 1. Компанияны қалай қосамын?
• 2. Компанияға бірнеше дүкен қоса аламын ба?
• 3. Офлайн дүкенді қалай қосамын?
• 4. Офлайн дүкеніме онлайн дүкенді қалай ашамын?
• 5. Жүйеде бірнеше офлайн дүкенім болса, қалай жұмыс істеймін?
• 6. «Тауарлар тізімі» не үшін керек?
• 7. Филиалды қалай қосамын?
• 8. Офлайн дүкен мен онлайн дүкеннің айырмашылығы неде?
• 9. Тауарлар тізіміне тауарымды қалай қосамын?
• 10. Atasuai Market-ке тауарларды қалай жариялаймын (B2B)?
• 11. Қойма басқару қалай жұмыс істейді?

• 1. Компанияны қалай қосамын?

  1.  seller.atasuai.com сайтында телефон нөмірі арқылы тіркеліңіз.
  2. Тіркелгеннен кейін ашылатын өтінім формасын толтырыңыз.
  3. Atasuai менеджері сізбен байланысып, платформаны пайдалануға қолжетімділік береді.
  4. Қолжетімділік берілген соң сайтқа қайта кіріп, сол жақ мәзірдегі «Компания» бөліміне өтіп, «Жаңадан қосу» батырмасы арқылы компанияны (БИН/ИИН, атау, мекенжай, банк деректері) толтырып қоса аласыз.

• 2. Компанияға бірнеше дүкен қоса аламын ба?

  Иә. Бір компанияға бірнеше офлайн дүкен, филиал және онлайн дүкен тіркеуге болады.

• 3. Офлайн дүкенді қалай қосамын?

  «Компания» → «Дүкен» бөлімінен «Дүкен қосу» батырмасын басып, дүкен атауын және сипаттамасын енгізіңіз. Қосылған дүкенді дүкен тізімінен көре аласыз және филиалдарға өту арқылы филиалын қосасыз.

• 4. Офлайн дүкеніме онлайн дүкенді қалай ашамын?

  Seller.atasuai.com сайтында «Компания» → «Интернет дүкен» бөліміне өтіп, «Жаңадан қосу» батырмасын басыңыз. Онлайн дүкен атауын енгізіп, домен түрін (субдомен немесе өз доменіңіз) таңдаңыз. Одан кейін сату форматын таңдаңыз: өз тауарларыңызды сату немесе Atasuai Market-тегі дайын тауарларды сату.

• 5. Жүйеде бірнеше офлайн дүкенім болса, қалай жұмыс істеймін?

  Atasuai Seller сайтында жоғарғы бөліктен қажетті офлайн дүкенді немесе филиалды таңдайсыз. Таңдалған дүкенге байланысты тауарлар тізімі, қойма қалдығы және басқа басқару бөлімдері тек сол дүкен бойынша көрсетіледі.

• 6. «Тауарлар тізімі» не үшін керек?

  «Тауарлар тізімі» - бұл сіздің барлық тауарларыңыздың орталық базасы. Мұнда тауардың атауы, суреті, бағасы, категориясы және қоймаға байланысы сақталады. Бұл тауар кейін онлайн дүкенде сату немесе Atasuai Market-ке жариялау үшін қолданылады.

• 7. Филиалды қалай қосамын?

  Филиал қосу үшін seller.atasuai.com сайтында «Компания» → «Дүкен» бөліміне өтіңіз. Ашылған дүкендер тізімінен қажетті дүкенді таңдап, оның астындағы «Филиалдарға өту» батырмасын басыңыз. Филиалдар тізімі ашылғаннан кейін жоғарғы бөліктегі «Жаңа филиал қосу» батырмасын таңдаңыз. Ашылған бетте дүкен автоматты түрде таңдалып тұрады — сізге филиал атауын, орналасқан қаланы, мекенжайды және қажет болса карта сілтемелерін (2GIS, Google, Yandex) енгізіп, «Сақтау» батырмасын басу жеткілікті.

• 8. Офлайн дүкен мен онлайн дүкеннің айырмашылығы неде?

  Офлайн дүкендер — бұл сіздің нақты дүкендеріңіз бен филиалдарыңыз. Онлайн дүкен — бөлек цифрлық витрина, ол офлайн дүкен таңдауына тәуелсіз және жеке басқарылады.

• 9. Тауарлар тізіміне тауарымды қалай қосамын?

  Тауарды жүйеге қосу үшін seller.atasuai.com сайтында сол жақ мәзірден «Тауар басқару» → «Тауар тізімі» бөліміне өтіп, жоғарғы оң жақтағы «Тауар қосу» батырмасын басыңыз. Бұл жерде тауар екі тәсілмен қосылады: «Бар тауарды қосу» — егер тауар Atasuai базасында бұрыннан бар болса, оның дайын фото-сы мен сипаттамасы автоматты түрде алынады, сіз тек өз бағаңызды және қажет болса SKU енгізесіз; «Жаңа тауар қосу» — егер тауар базаға енгізілмеген болса, категорияны таңдап, барлық ақпаратты (фото, сипаттама, баға, қойма қалдығы және т.б.) өзіңіз толтырасыз.

• 10. Atasuai Market-ке тауарларды қалай жариялаймын (B2B)?

  «Жарнамалау» → Atasuai Market бөлімі арқылы тауар жариялай аласыз. Жариялау үшін тауар алдын ала «Тауарлар тізімінде» болуы керек. Әр филиал өз тауарларын бөлек жариялайды, бұл тауарларды шатастырмау үшін жасалған.

• 11. Қойма басқару қалай жұмыс істейді?

  Қойма қалдығы мен қозғалысы жоғарыда таңдалған филиал бойынша есептеледі. Әр филиалдың өз қоймасы мен қалдығы бөлек жүргізіледі.