Онлайн дүкен басқару

• 1. Онлайн-дүкенді алғашқы рет қалай ашуға болады?
• 2. Онлайн дүкенге жеке домен беріле ме?
• 3. Онлайн-дүкеннің доменін өзгертуге бола ма?
• 4. Өзімнің жеке доменімді қалай қосамын ?
• 5. Дүкенімді қай жерден басқара аламын?
• 6. Өз тауарымды онлайн дүкенге қалай қосамын?
• 7. Atasuai Market - тегі дайын тауарларды онлайн дүкеніме қалай қосамын?

• 1. Онлайн-дүкенді алғашқы рет қалай ашуға болады?

  Дүкен ашу үшін Atasuai қосымшасының «Мәзір» бөліміне өтіп, «Дүкен ашу» батырмасын басыңыз. Жүйе сізді автоматты түрде Atasuai Seller сайтына бағыттайды. Сондай-ақ дүкенді тікелей сайт арқылы да аша аласыз — ол үшін seller.atasuai.com сайтына кіріп, тек телефон нөміріңізді енгізіп, SMS-кодпен тіркеле аласыз. Тіркелгеннен кейін сізге екі нұсқа ұсынылады: «Онлайн сатқысы келетін тұлғалар үшін» немесе «Дүкен және бизнес иелері үшін». Қажетті нұсқаны таңдап, WhatsApp арқылы менеджермен байланысып, дүкен ашу процесін бастай аласыз.

• 2. Онлайн дүкенге жеке домен беріле ме?

  Иә. Atasuai платформасында ашылған әрбір онлайн-дүкенге автоматты түрде жеке домен тіркеледі. Домен форматы: sitename.atasuai.com. Бұл дүкеннің жеке бренд ретінде қалыптасуына және клиенттерге қолжетімділігін арттыруға мүмкіндік береді.

• 3. Онлайн-дүкеннің доменін өзгертуге бола ма?

  Иә. Онлайн-дүкеннің доменін Atasuai Seller қосымшасы арқылы да, веб-сайт арқылы да өзгертуге болады. Қосымшада (Atasuai Seller app): Төменгі панельден «Мәзір» бөліміне өтіңіз. Жоғарғы бөліктегі дүкен атауын басып, дүкен бетіне кіріңіз. Ашылған бетте «Сайт параметрлері» бөлімі көрсетіледі. Осы жерден «Домен» бөлімін ашып, жаңа субдоменді немесе өзіңіздің доменіңізді енгізуге болады. Өзгерісті сақтағаннан кейін дүкен сілтемесі автоматты түрде жаңартылады. Сайтта (seller.atasuai.com): Сол жақ мәзірден «Компания» → «Интернет дүкен» бөліміне өтіңіз. Дүкендер тізімінен қажетті дүкенді тауып, оң жақтағы үш нүктені (⋮) басыңыз. «Өзгерту» опциясын таңдаңыз. Ашылған бетте «Субдоменді қолдану» немесе «Өзіндік доменді қолдану» арқылы өзгерте аласыз. «Сақтау» батырмасын басқаннан кейін домен жаңартылады.

• 4. Өзімнің жеке доменімді қалай қосамын ?

  Доменді қосымша арқылы орнату үшін «Мәзір» → дүкен беті → «Сайт параметрлері» → «Домен» бөліміне кіріп, «Өз доменімді қолдану» опциясын таңдап, көрсетілген DNS жазбаларын домен тіркеушіге енгізу жеткілікті. Ал сайтта қосу үшін seller.atasuai.com сайтына кіріп, «Компания» → «Интернет дүкен» бөліміне өтіп, дүкеннің оң жақтағы үш нүктесін басып «Өзгерту» тармағын таңдаңыз; ашылған бетте «Өз доменіңізді қолдану» бөлімінде доменді енгізіп, ұсынылған DNS параметрлерін баптағаннан кейін домен дүкенге тіркеледі.

• 5. Дүкенімді қай жерден басқара аламын?

  Дүкенді толық басқару Atasuai Seller веб-платформасы және Atasuai Seller мобильді қосымшасы арқылы жүзеге асырылады. Екі құрал да тауарларды қосуға, сатылымдарды бақылауға, тапсырыстарды басқаруға және дүкен параметрлерін өзгертуге мүмкіндік береді.

• 6. Өз тауарымды онлайн дүкенге қалай қосамын?

  Өз тауарыңызды онлайн дүкенде сату үшін алдымен seller.atasuai.com сайтында «Тауар басқару» → «Тауар тізімі» бөлімі арқылы тауарды жүйенің базасына қосуыңыз қажет: егер тауар бұрын базаға енгізілген болса, «Бар тауарды қосу» арқылы дайын фото мен сипаттаманы пайдаланып, тек баға мен қажет болса SKU енгізесіз; ал база тізімінде жоқ тауар үшін «Жаңа тауар қосу» опциясын таңдап, барлық ақпаратты өзіңіз толтырасыз. Одан кейін «Компания» → «Интернет дүкен» бөліміне өтіп, тізімнен қажетті онлайн дүкенді таңдаңыз да, үш нүктені басып «Өзгерту» батырмасын таңдаңыз — осы бетте онлайн дүкеннің сату форматын «Өз тауарымды сату» режиміне қойып, тауар көзі ретінде дәл сол тауар қосылған офлайн дүкенді (филиалды) белгілеңіз; тек осы жағдайда ғана тауар онлайн дүкен витринасында көрінеді.

• 7. Atasuai Market - тегі дайын тауарларды онлайн дүкеніме қалай қосамын?

  Atasuai Seller қосымшасында дайын тауарларды қосу үшін төменгі панельден «Тауарлар» бөліміне өтіп, «+ Тауар қосу» батырмасын таңдаңыз. Жүйе сізге Atasuai Market витринасындағы барлық дайын тауарлар тізімін көрсетеді. Қажетті тауарды іздеу жолы арқылы немесе категориялар бойынша таңдап таба аласыз. Тауар карточкасындағы «+» белгісін басқаннан кейін тауар бір секундта сіздің онлайн дүкеніңізге қосылады